Падзеі

Мінск, Гомель і Гродна ўстанавілі пабрацімскія сувязі з азербайджанскімі гарадамі

Баку

16 мая, Баку /Кар. БЕЛТА/. Мінск, Гомель і Гродна ўстанаўліваюць пабрацімскія сувязі з азербайджанскімі гарадамі Баку, Гянджа і Габала адпаведна. Адпаведныя мемарандумы былі падпісаны паміж бакамі па выніках афіцыйных перагавораў Прэзідэнта Беларусі Аляксандра Лукашэнкі з Прэзідэнтам Азербайджана Ільхамам Аліевым, перадае карэспандэнт БЕЛТА.

Гарады-пабрацімы - гэта не проста статус. Супрацоўніцтва ў новым фармаце дасць магчымасць выкарыстаць рэгіянальны патэнцыял для актывізацыі шматпланавага ўзаемадзеяння.

Асаблівая ўвага пры гэтым будзе ўдзяляцца рэалізацыі сумесных праектаў у галіне эканомікі, гарадскога планавання, мясцовага самакіравання, транспартнай і дарожнай інфраструктуры, жыллёвай гаспадаркі, навукі, адукацыі, культуры, захавання гісторыка-культурнай спадчыны, горадабудаўніцтва, аховы здароўя, аховы навакольнага асяроддзя, спорту і турызму.

Прадугледжваецца наладжванне больш цеснага ўзаемадзеяння і развіццё прамых кантактаў паміж прамысловымі прадпрыемствамі і кампаніямі, навучальнымі і навуковымі ўстановамі, маладзёжнымі аб'яднаннямі і творчымі саюзамі, установамі аховы здароўя, культуры, спорту і турызму.

версія для друку

зрабіць стартавай

дабавіць у выбранае