Падзеі

Мінск і Ерэван падкрэсліваюць прыхільнасць да каардынацыі ў міжнародных парламенцкіх арганізацыях

6 верасня, Мінск /Кар. БЕЛТА/. Беларусь і Арменія падкрэсліваюць прыхільнасць да каардынацыі ў міжнародных парламенцкіх арганізацыях. Размова аб гэтым ішла на пасяджэнні міжпарламенцкай камісіі па супрацоўніцтве паміж нацыянальнымі сходамі дзвюх краін, паведамілі БЕЛТА ў прэс-службе Палаты прадстаўнікоў.

Беларускую дэлегацыю на пасяджэнні, якое адбылося 5 верасня ў Ерэване, узначаліў намеснік старшыні Палаты прадстаўнікоў Баляслаў Пірштук. "Удзельнікі пасяджэння падкрэслілі прыхільнасць абодвух бакоў да каардынацыі ўзаемадзеяння ў міжнародных парламенцкіх арганізацыях, абмеркавалі актуальныя пытанні ў гэтай сферы, а таксама ў частцы двухбаковага гандлёва-эканамічнага супрацоўніцтва", - праінфармавалі ў прэс-службе.

Парламентарыі намецілі канкрэтныя крокі для развіцця беларуска-армянскага дзелавога супрацоўніцтва, у тым ліку ў выглядзе стварэння сумесных вытворчасцей тэхнікі і пошуку ўзаемавыгадных інструментаў фінансавання, дадалі ў прэс-службе Палаты прадстаўнікоў.

Наступнае пасяджэнне міжпарламенцкай камісіі пройдзе ў 2020 годзе ў Мінску.

версія для друку

зрабіць стартавай

дабавіць у выбранае