Падзеі

"Міжведамаснай камісіяй па ўзвядзенні атамнай электрастанцыі ў Беларусі прынята рашэнне аб замене корпуса рэактара на Беларускай АЭС. Адпаведнае паведамленне Міністэрства энергетыкі накіравала расійскаму боку", - паведамілі ў прэс-службе.

Міністр энергетыкі Уладзімір Патупчык агучыў сёння гэта рашэнне ў час рабочай паездкі ў Цюменскую вобласць, адказваючы на пытанні журналістаў па гэтай тэме.

Беларуская АЭС - праект па будаўніцтве атамнай электрастанцыі тыпу ВВЭР-1200, які рэалізуецца за 18 км ад Астраўца (Гродзенская вобласць). БелАЭС будзе складацца з двух энергаблокаў сумарнай магутнасцю да 2400 (2х1200) МВт.