Падзеі

Мезенцаў: міжрэгіянальныя сувязі - асаблівы пласт адносін Беларусі і Расіі

Дзмітрый Мезенцаў

10 верасня, Мінск /Аліна Грышкевіч - БЕЛТА/. Міжрэгіянальныя сувязі - гэта асаблівы пласт адносін Беларусі і Расіі, якія пастаянна развіваюцца. Аб гэтым заявіў журналістам, адказваючы на пытанне карэспандэнта БЕЛТА, Надзвычайны і Паўнамоцны Пасол Расіі ў Мінску Дзмітрый Мезенцаў сёння па выніках сустрэчы з Прэзідэнтам Беларусі Аляксандрам Лукашэнкам.

Расійскі дыпламат падкрэсліў: у час размовы вялікая ўвага была ўдзелена маючаму адбыцца Форуму рэгіёнаў Беларусі і Расіі, намечанаму на канец верасня ў Мінску і Мінскай вобласці.

"Сустрэча пасла з кіраўніком дзяржавы - гэта заўсёды вялікая адказнасць. Я меў магчымасць пачуць пацвярджэнне нацэленасці беларускага кіраўніцтва на пашырэнне ўсёй вялікай палітры адносін, дапаўненне яе і тых адносін, якія склаліся за дзесяцігоддзі паміж Расійскай Федэрацыяй і Рэспублікай Беларусь, - адзначыў Дзмітрый Мезенцаў. - Гэта ў тым ліку адносіны прамыслоўцаў, вытворцаў сельгаспрадукцыі. Асаблівы пласт адносін у фармаце "рэгіён - рэгіён". Гэта тым больш было важна пачуць ад Аляксандра Лукашэнкі напярэдадні Форуму рэгіёнаў дзвюх краін".

Паводле слоў дыпламата, маючы адбыцца форум падхопіць эстафету сустрэч, якія адбыліся ў Пецярбургу летам мінулага года. Ён звярнуў увагу на тое, як адказна падыходзяць абодва бакі да падрыхтоўкі, да парадку дня. "Мы хочам зрабіць акцэнт і на больш напоўненым змесце супрацоўніцтва гарадоў-пабрацімаў дзвюх дзяржаў", - заўважыў пасол.

Дзмітрый Мезенцаў таксама падкрэсліў: "Аляксандр Лукашэнка нядаўна сказаў такія вельмі важныя словы, што для беларусаў адзіная Айчына - ад заходняй мяжы Брэсцкай вобласці да Уладзівастока, да Камчаткі, да Сахаліна. Гэта важна ў такім разуменні адзінай Айчыны. А таксама гэта важнейшы рэсурс умацавання гаспадарчых сувязей, тэхналагічных ланцужкоў узаемадзеяння прадпрыемстваў".

версія для друку

зрабіць стартавай

дабавіць у выбранае