Падзеі

Медыкі ўдастоены медалёў і Падзяк Прэзідэнта Беларусі

Фота з архiва

18 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка падпісаў указ, у адпаведнасці з якім восем медыкаў за шматгадовую плённую працу, высокі прафесіяналізм, вялікі асабісты ўклад у ахову здароўя насельніцтва і значныя дасягненні ў навукова-даследчай дзейнасці ўдастоены медаля "За працоўныя заслугі". Аб гэтым БЕЛТА паведамілі ў прэс-службе беларускага лідара.

У ліку ўзнагароджаных - галоўны ўрач клінічнага радзільнага дома Мінскай вобласці Пётр Масько, загадчык аддзялення анестэзіялогіі, рэанімацыі і інтэнсіўнай тэрапіі Брэсцкай абласной клінічнай бальніцы Уладзімір Салівончык, рэктар Віцебскага дзяржаўнага медыцынскага ўніверсітэта Анатоль Шчасны.

Ганаровае званне "Заслужаны дзеяч навукі Рэспублікі Беларусь" прысвоена загадчыку кафедры артапедычнай стаматалогіі Беларускага дзяржаўнага медыцынскага ўніверсітэта Сямёну Навумовічу.

Аляксандр Лукашэнка таксама падпісаў распараджэнне, у адпаведнасці з якім 18 медыкаў удастоены Падзякі Прэзідэнта за шматгадовую плённую працу, высокі прафесіяналізм, значны асабісты ўклад у аказанне медыцынскай дапамогі насельніцтву. У іх ліку - намеснік галоўнага ўрача Салігорскага занальнага цэнтра гігіены і эпідэміялогіі Вікторыя Ахрамовіч, урач-інфекцыяніст (загадчыца інфекцыйнага аддзялення) Лідскай цэнтральнай раённай бальніцы Анжаліка Ганчар, урач-анестэзіёлаг-рэаніматолаг Гродзенскай абласной інфекцыйнай клінічнай бальніцы Ксенія Зыкава, урач-анестэзіёлаг-рэаніматолаг Магілёўскай бальніцы нумар 1 Валерый Кананкоў, загадчыца эпідэміялагічнага аддзела - урач-эпідэміёлаг Мінскага гарадскога цэнтра гігіены і эпідэміялогіі Кацярына Хомчанка.

версія для друку

зрабіць стартавай

дабавіць у выбранае