Падзеі

28 студзеня, Мінск /Кар. БЕЛТА/. Міністр замежных спраў Беларусі Уладзімір Макей 28 студзеня правёў сустрэчу з дырэктарам рэгіянальнага прадстаўніцтва Міжнароднай арганізацыі па міграцыі для Паўднёва-Усходняй, Усходняй Еўропы і Цэнтральнай Азіі Рэнатэ Хельд, якая прыбыла ў Беларусь для ўдзелу ў канферэнцыі "Умацаванне тэхнічнага супрацоўніцтва Беларусі і ААН: падвядзенне вынікаў, новыя перспектывы і магчымасці". Аб гэтым БЕЛТА паведамілі ў прэс-службе беларускага знешнепалітычнага ведамства.

Бакі выказалі ўзаемнае задавальненне высокім узроўнем узаемадзеяння і намецілі крокі для далейшага супрацоўніцтва.

Уладзімір Макей асабліва адзначыў ролю Міжнароднай арганізацыі па міграцыі ў аказанні тэхнічнай і кансультацыйнай дапамогі Беларусі ў сферы процідзеяння гандлю людзьмі, а таксама падзякаваў за падтрымку, якую аказала гэта арганізацыя ў пашырэнні беларускіх ініцыятыў па праблематыцы гандлю людзьмі.

У сваю чаргу Рэнатэ Хельд адзначыла вядучую ролю Беларусі на міжнароднай арэне ў сферы процідзеяння гандлю людзьмі.