Падзеі

Макей знаходзіцца з рабочым візітам у Швейцарыі для ўдзелу ў мерапрыемствах па лініі ААН

19 красавіка, Мінск /Кар. БЕЛТА/. Рабочы візіт міністра замежных спраў Беларусі Уладзіміра Макея ў Швейцарскую Канфедэрацыю праходзіць 19-20 красавіка для ўдзелу ў 69-й сесіі Еўрапейскай эканамічнай камісіі ААН. Аб гэтым БЕЛТА паведамілі ў прэс-службе МЗС Беларусі.

Праграмай першага дня візіту прадугледжаны сустрэчы кіраўніка беларускага знешнепалітычнага ведамства з генеральным дырэктарам Сусветнай арганізацыі аховы здароўя Тэдрасам Гебрэесусам, генеральным дырэктарам Сусветнай арганізацыі інтэлектуальнай уласнасці Дарэнам Тангам, вярхоўным камісарам Арганізацыі Аб'яднаных Нацый па правах чалавека Мішэль Бачэлет, прэзідэнтам Міжнароднага камітэта Чырвонага Крыжа Пэтэрам Маўрэрам.

У фокусе ўвагі - актуальныя пытанні міжнароднага парадку дня ў сферах дзейнасці контрпартнёраў, беларускі падыход да праблем, якія знаходзяцца ў зоне адказнасці кожнай з названых арганізацый, а таксама іншыя тэмы, што ўяўляюць узаемны інтарэс.

версія для друку

зрабіць стартавай

дабавіць у выбранае