Падзеі

У час пасяджэння будуць падведзены вынікі выканання праграмы ўзгодненых дзеянняў у галіне знешняй палітыкі дзяржаў - удзельніц дагавора аб стварэнні Саюзнай дзяржавы на 2014-2015 гады. "Бакі абмяркуюць шырокі спектр пытанняў супрацоўніцтва паміж краінамі на двухбаковай аснове, а таксама на міжнароднай арэне, у тым ліку на пляцоўцы ААН у кантэксце 70-годдзя арганізацыі, намецяць сумесныя арыенціры для развіцця еўразійскай інтэграцыі", - праінфармаваў Дзмітрый Мірончык.

Чакаецца, што будзе прынята праграма ўзгодненых дзеянняў у галіне знешняй палітыкі краін СД на 2016-2017 гады. "Гэты дакумент прадугледжвае канкрэтныя мерапрыемствы, накіраваныя на далейшае ўмацаванне саюзных адносін паміж нашымі краінамі, абарону і пашырэнне інтарэсаў Беларусі і Расіі ў сусветнай супольнасці, забеспячэнне спрыяльных знешніх умоў для сацыяльна-эканамічнага развіцця дзвюх краін", - адзначыў прэс-сакратар.

У час візіту Уладзімір Макей сустрэнецца з міністрам замежных спраў Расіі Сяргеем Лаўровым. У ходзе сустрэчы будуць абмеркаваны ключавыя пытанні беларуска-расійскага супрацоўніцтва, у тым ліку ў міжнародных арганізацыях.