Падзеі

Міністр падкрэсліў, што паміж Беларуссю і Расіяй у галіне знешняй палітыкі ажыццяўляецца самая цесная каардынацыя на сістэмнай аснове і "якіх-небудзь разыходжанняў, недастатковага разумення з расійскімі калегамі ў нас абсалютна няма".

Уладзімір Макей звярнуў увагу, што апошнім часам асобныя крокі і рашэнні кіраўніцтва нават такіх блізкіх краін, як Беларусь і Расія, сталі абрастаць некаторымі міфамі і няправільнымі тлумачэннямі. Чарговую сустрэчу з журналістамі ён лічыць добрай магчымасцю расставіць кропкі над "і". Гэта сёння тым больш важна, паколькі колькасць выклікаў і пагроз у галіне бяспекі, эканомікі, экалогіі не змяншаецца. Міністр нагадаў аб міграцыйным крызісе, тэрарыстычнай пагрозе.

"Усё гэта чарговы раз пацвярджае актуальнасць з'яднання міжнароднай супольнасці перад тварам новых рэалій, неабходнасць пераадолення геапалітычнага эгаізму асобных ігракоў, аб чым сёння гаворыць пастаянна і вышэйшае кіраўніцтва Расіі і Беларусі", - нагадаў Уладзімір Макей.

Кіраўнік знешнепалітычнага ведамства звярнуў увагу, што масіў беларуска-расійскіх адносін уключае шырокі пералік тэм і пытанняў, над якімі ідзе штодзённая, карпатлівая работа як у Саюзнай дзяржаве, так і ў СНД, ЕАЭС.

Паводле слоў міністра, краіны постсавецкай прасторы не адчуваюць сябе безабароннымі ў новых рэаліях, механізмы СД, ЕАЭС, АДКБ прадастаўляюць даволі эфектыўны інструментарый. "Аднак для пераадолення маштабных выклікаў, што ўзніклі, гэтага абсалютна недастаткова. Нам неабходна выпрацоўка адэкватных адказаў на рэгіянальным і глабальным узроўнях", - перакананы Уладзімір Макей. Беларусь і Расія выступаюць за канструктыўнае ўзаемадзеянне рэгіянальных інтэграцый, у першую чаргу ЕС і ЕАЭС.