Падзеі

21 ліпеня, Мінск /Кар. БЕЛТА/. Міністр замежных спраў Беларусі Уладзімір Макей 23-25 ліпеня наведае з афіцыйным візітам Славенію, паведамілі БЕЛТА ў прэс-службе МЗС.

Уладзімір Макей наведае краіну па запрашэнні віцэ-прэм'ера - міністра замежных спраў Славеніі Карла Эр'яўца.

"Акрамя перагавораў кіраўнікоў знешнепалітычных ведамстваў дзвюх краін запланавана правядзенне сустрэч Уладзіміра Макея з Прэзідэнтам Славеніі Барутам Пахарам, мэрам горада Любляны Зоранам Янкавічам, а таксама прадстаўнікамі бізнес-колаў Славеніі", - расказалі ў ведамстве.

Плануецца, што ў час візіту будзе падпісана праграма супрацоўніцтва знешнепалітычных ведамстваў Беларусі і Славеніі на 2017-2018 гады.