Падзеі

Макей на сустрэчы з Лаўровым адзначыў высокую інтэнсіўнасць беларуска-расійскіх кантактаў

18 чэрвеня, Масква /Эдуард Півавар - БЕЛТА/. Міністр замежных спраў Беларусі Уладзімір Макей сёння ў Маскве на перагаворах са сваім расійскім калегам Сяргеем Лаўровым адзначыў высокую інтэнсіўнасць беларуска-расійскіх кантактаў, перадае карэспандэнт  БЕЛТА.

Паводле слоў Уладзіміра Макея, у бягучым годзе ўжо адбыліся тры сустрэчы прэзідэнтаў Беларусі і Расіі Аляксандра Лукашэнкі і Уладзіміра Пуціна, некалькі сустрэч правялі кіраўнікі ўрадаў, запланаваны іншыя кантакты на розных узроўнях. "Таму нам у гэтым плане таксама вельмі важна зверыць, што называецца, гадзіннікі, - сказаў Уладзімір Макей. - Тым больш што ў парадку дня сённяшніх перагавораў у нас вельмі важныя пытанні, у тым ліку звязаныя з падрыхтоўкай нашай агульнай праграмы ўзгодненых дзеянняў у галіне знешняй палітыкі на наступны двухгадовы перыяд".

Уладзімір Макей падзякаваў Сяргею Лаўрову за праведзенае напярэдадні мерапрыемства з удзелам паслоў краін СНД у Расіі, на якім кіраўнік расійскага знешнепалітычнага ведамства праінфармаваў аб выніках праведзенага ў Жэневе расійска-амерыканскага саміту на вышэйшым узроўні.

версія для друку

зрабіць стартавай

дабавіць у выбранае