Падзеі

"Нашы двухбаковыя эканамічныя адносіны развіваюцца даволі добра. У Беларусі і Аўстрыі даволі высокі ўзровень тавараабароту, нягледзячы на няпростую эканамічную абстаноўку ў свеце, і мы павінны наш гандаль развіваць яшчэ больш інтэнсіўна. Ваш візіт мы разглядаем як важны крок у двухбаковым узаемадзеянні", - падкрэсліў кіраўнік беларускага знешнепалітычнага ведамства.

Паколькі Аўстрыя з'яўляецца членам Еўрасаюза, то цалкам зразумела, што ў адносінах да Беларусі "яна гаворыць у адзін голас з ЕС", адзначыў Уладзімір Макей. "Але лічым, што Аўстрыя заўсёды дэманстравала канструктыўную пазіцыю па Беларусі ў рамках курсу Еўрасаюза, і мы гэта цэнім", - заявіў беларускі міністр замежных спраў.

Уладзімір Макей звярнуў увагу на той факт, што візіт аўстрыйскай дэлегацыі ў Беларусь праходзіць напярэдадні святкавання Вялікай Перамогі. "І гэта важна. Мы павінны атрымліваць з гісторыі канкрэтныя ўрокі. Галоўны ўрок - гэта тое, што трэба вырашаць канфлікты не сілай зброі, а сілай слова", - сказаў ён.

Кіраўнік беларускага знешнепалітычнага ведамства выказаў гатоўнасць абмеркаваць беларуска-аўстрыйскае супрацоўніцтва як на двухбаковым узроўні, так і ў шматбаковым фармаце.

Себасцьян Курц, звяртаючыся да міністра замежных спраў Беларусі, адзначыў: "Мы ведаем, што вы сябар Аўстрыі. Я з задавальненнем прадоўжу наш дыялог, пачаты ў лістападзе мінулага года. Нам неабходна абмеркаваць крокі па далейшым развіцці ўзаемнага супрацоўніцтва".

У час сустрэчы была таксама закранута сітуацыя вакол Украіны.