Падзеі

26 сакавіка, Мінск /Кар. БЕЛТА/. Міністр замежных спраў Беларусі Уладзімір Макей і міністр замежных спраў Расійскай Федэрацыі Сяргей Лаўроў у тэлефоннай размове абмеркавалі актуальныя пытанні беларуска-расійскіх адносін, паведамілі БЕЛТА ў прэс-службе МЗС Беларусі.

Кіраўнікі знешнепалітычных ведамстваў абмеркавалі таксама графікі двухбаковых кантактаў на розных узроўнях і правядзенне ў Мінску ў красавіку чарговага пасяджэння Савета міністраў замежных спраў Садружнасці Незалежных Дзяржаў.

Уладзімір Макей і Сяргей Лаўроў абмяняліся меркаваннямі і па актуальных пытаннях міжнароднага і рэгіянальнага парадку дня.