Падзеі

Лукашэнка зробіць сёння рабочы візіт у Расію

Фота з архiва

13 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка 13 ліпеня зробіць рабочы візіт у Расійскую Федэрацыю. Аб гэтым БЕЛТА паведамілі ў прэс-службе беларускага лідара.

У Санкт-Пецярбургу адбудзецца сустрэча з Прэзідэнтам Расіі Уладзімірам Пуціным, у ходзе якой кіраўнікі дзяржаў абмяркуюць развіццё супрацоўніцтва ў розных сферах, міжнародную праблематыку.

Гэты візіт прадаўжае існуючую практыку рэгулярных сустрэч лідараў для абмеркавання актуальных пытанняў.

Як удакладняе Telegram-канал "Пул Першага", борт нумар адзін рыхтуецца да вылету з аэрадрома Балбасава. Гэта міжнародны грузавы аэрадром, размешчаны ў мультымадальным прамыслова-лагістычным комплексе "Брэміна-Орша" ў гарадскім пасёлку Балбасава за 18 км ад Оршы. Там жа знаходзіцца ААТ "Аршанскі авіярамонтны завод", які месяц таму наведваў Аляксандр Лукашэнка.

Узлётна-пасадачнай паласе аэрадрома прысвоены міжнародны статус. Цяпер тут могуць прымаць і адпраўляць прамыя грузавыя авіярэйсы, а таксама грамадзянскія паветраныя судны. Аэрадром павінен стаць буйным грузавым хабам.

версія для друку

зрабіць стартавай

дабавіць у выбранае