Падзеі
Лукашэнка ўзнагародзіў ордэнам Пашаны Ягуба Эюбава, Ханлара Фаціева і Дзяніса Марозава
23 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка ўзнагародзіў ордэнам Пашаны першага намесніка прэм'ер-міністра Азербайджана Ягуба Эюбава і старшыню наглядальнага савета вытворчага аб'яднання "Гянджынскі аўтамабільны завод" Ханлара Фаціева. Аб гэтым БЕЛТА паведамілі ў прэс-службе беларускага лідара.
Гэтай высокай узнагароды яны ўдастоены за значны асабісты ўклад ва ўмацаванне і развіццё гандлёва-эканамічных адносін паміж Беларуссю і Азербайджанам.
Ордэнам Пашаны ўзнагароджаны таксама выканаўчы дырэктар Еўрапейскага банка рэканструкцыі і развіцця ад Расіі, Беларусі і Таджыкістана Дзяніс Марозаў за значны асабісты ўклад у развіццё супрацоўніцтва паміж Беларуссю і ЕБРР.
Адпаведныя ўказы кіраўнік дзяржавы падпісаў 22 кастрычніка.
версія для друку
зрабіць стартавай
дабавіць у выбранае