Падзеі

Лукашэнка згадзіўся дапамагчы са зняццем штучна створанага напружання на ўкраінскім "фронце"

14 лютага, Мінск /Кар. БЕЛТА/. Кіраўнік дзяржавы Аляксандр Лукашэнка згадзіўся дапамагчы са зняццем штучна створанага напружання вакол Украіны і заяў аб магчымасці ваенных дзеянняў. Аб гэтым вядомы ва Украіне палітычны і дзяржаўны дзеяч Аляксандр Мароз заявіў журналістам пасля сустрэчы ў Мінску з Прэзідэнтам Беларусі Аляксандрам Лукашэнкам.

"Мяне і маіх сяброў непакоіла тое, што вось гэта абвастрэнне можа дрэнна скончыцца для ўсіх нас. Гэтага нельга дапусціць. Я хацеў папрасіць Аляксандра Рыгоравіча, каб ён у меру сваіх магчымасцей (а яны ў яго значныя) дапамог з гэтым напружаннем - пагасіць яго. На што ён выказаў сваё разуменне, неабходнасць і згоду прымаць у гэтым удзел. Гэта вялікая справа", - сказаў палітык.

Ён не стаў раскрываць якія-небудзь падрабязнасці і дэталі, але разлічвае на станоўчы зыход справы. "Мне здаецца, гэта павінна паўплываць на зняцце гэтага штучна створанага напружання. Створанага нават не ўкраінскай уладай, не расійскім бокам. Гэта створана інтарэсамі тых, хто сядзіць за акіянам і думае, што ён да гэтага часу кіруе светам так, як ён хацеў бы кіраваць", - падкрэсліў Аляксандр Мароз.

версія для друку

зрабіць стартавай

дабавіць у выбранае