Падзеі

Лукашэнка заклікаў датчан падтрымаць мірныя ініцыятывы і байкатаваць нелегітымныя абмежаванні

Фота з архiва

5 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў народ Даніі з Днём Канстытуцыі, якой у гэтым годзе спаўняецца 175 гадоў. Аб гэтым БЕЛТА паведамілі ў прэс-службе беларускага лідара.

У сённяшніх рэаліях Канстытуцыя як вышэйшы прававы дакумент мае асаблівае значэнне ў абароне суверэнітэту і незалежнасці краіны, звярнуў увагу Прэзідэнт. Ён падкрэсліў, што беларусы, як і дацкі народ, адказна ставяцца да закону, што вызначае не толькі правы, але і абавязкі. "Лічым, такія ж падыходы датычацца і міжнародных пагадненняў, якія ствараюць неабходную аснову і гарантыі бяспекі для сусветнай супольнасці", - адзначыў Аляксандр Лукашэнка.

Кіраўнік дзяржавы заклікаў датчан падтрымаць беларускія мірныя ініцыятывы, забяспечыць выкананне дасягнутых дамоўленасцей і байкатаваць аднабаковыя нелегітымныя абмежаванні, якія не маюць ніякага сэнсу, а толькі разбураюць давер і павагу.

"Беларусы будуць заўсёды адкрытыя для раўнапраўнага канструктыўнага ўзаемадзеяння з датчанамі ў інтарэсах захавання бяспекі і ўстойлівага развіцця агульнай еўрапейскай прасторы", - падкрэсліў Аляксандр Лукашэнка.

 Прэзідэнт Беларусі пажадаў дружалюбнаму народу Даніі міру, дабрабыту і працвітання.

версія для друку

зрабіць стартавай

дабавіць у выбранае