Падзеі

Лукашэнка заявіў аб непахіснасці беларуска-кітайскай дружбы

Фота з архiва

1 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Старшыню Кітайскай Народнай Рэспублікі Сі Цзіньпіна з нагоды 75-й гадавіны ўтварэння КНР. Аб гэтым БЕЛТА паведамілі ў прэс-службе беларускага лідара.

"Мінулыя тры чвэрці стагоддзя назаўсёды ўпісаны ў шматтысячагадовую гісторыю Кітая як час вялікіх перамог, патрыятычнай кансалідацыі і імклівага прагрэсу. За гэты перыяд ваша дзяржава дабілася сапраўды выдатных вынікаў, прадэманстраваўшы свету яркі прыклад самаахвярнасці, упартасці і стваральнай працы, якія сталі залогам поспехаў у палітычным, сацыяльна-эканамічным і культурна-гуманітарным развіцці", - гаворыцца ў віншаванні.

Кіраўнік дзяржавы адзначыў, што сучасны Кітай - адзін з асноўных ігракоў на сусветнай арэне, буйнейшая індустрыяльная краіна з каласальным чалавечым і навукова-тэхнічным патэнцыялам.

"На чале Камуністычнай партыі Вы ўпэўнена ведзяце Кітайскую Народную Рэспубліку да дасягнення мэты другога стагоддзя - пабудовы сучаснай і магутнай сацыялістычнай дзяржавы, - падкрэсліў Прэзідэнт. - Актыўнае ўзаемадзеянне Мінска і Пекіна абсалютна па ўсіх напрамках пацвярджае непахіснасць беларуска-кітайскай дружбы і ў поўнай меры раскрывае патэнцыял ўсепагоднага і ўсебаковага стратэгічнага партнёрства".

Аляксандр Лукашэнка пажадаў Сі Цзіньпіну бадзёрасці духу і далейшых поспехаў у дзяржаўнай дзейнасці, а брацкаму кітайскаму народу - міру, дабра і працвітання.

версія для друку

зрабіць стартавай

дабавіць у выбранае