Падзеі
Лукашэнка: Выхад Беларусі з ЕАЭС і Саюзнай дзяржавы - поўны вымысел
3 лютага, Мінск /Кар. БЕЛТА/. Інфармацыя аб выхадзе Беларусі з ЕАЭС і Саюзнай дзяржавы з'яўляецца поўным вымыслам. Аб гэтым заявіў сёння Прэзідэнт Беларусі Аляксандр Лукашэнка на сустрэчы з прадстаўнікамі грамадскасці, беларускіх і замежных СМІ, перадае карэспандэнт БЕЛТА.
Прэзідэнт адзначыў, што такая інфармацыя з'яўляецца, таму што ёсць людзі, якім гэта выгадна, яны радуюцца распаўсюджванню такіх звестак.
"Што датычыцца пасяджэння саюзнага Савета Міністраў, Вышэйшага Дзяржаўнага Савета, паездкі на саміт ЕАЭС, маё было дакладнае разуменне і патрабаванне ў гэтым плане: аб чым гаварыць, калі не вырашаюцца пытанні, аб якіх мы дамовіліся?" - заявіў Аляксандр Лукашэнка.
"Іх трэба вырашыць, паколькі мы ў ганьбу ператвараем гэтыя ўсе пасяджэнні Саюзнай дзяржавы. Пытанні не вырашаюцца, а мы засядаем. Аб чым размова? Трэба вырашаць іх", - падкрэсліў беларускі лідар.
Прэзідэнт нагадаў, што Беларусь ніколі не была супраць інтэграцыйных праектаў, а выступала ініцыятарам усіх іх. "Мы рыхтуем вельмі шырокую інфармацыю (працуе цэлая група вучоных, спецыялістаў) па беларуска-расійскіх адносінах. Я помню, як пачынаўся Мытны саюз... Чаму мы туды пайшлі? Мы разлічвалі, што гэты саюз будзе заснаваны на раўнапраўі, будуць створаны роўныя ўмовы. Гэта галоўнае, без гэтага не бывае саюза. Калі няроўныя ўмовы, то навошта туды ісці, дзеля чаго?" - задаў рытарычнае пытанне беларускі лідар
версія для друку
зрабіць стартавай
дабавіць у выбранае