Падзеі

Лукашэнка: у супрацоўніцтве з рэгіёнамі Расіі мы хацелі б зрабіць стаўку перш за ўсё на Ленінградскую вобласць

26 верасня, Мінск /Кар. БЕЛТА/. У супрацоўніцтве з рэгіёнамі Расіі Беларусь хацела б зрабіць стаўку перш за ўсё на Ленінградскую вобласць. Аб гэтым Прэзідэнт Беларусі Аляксандр Лукашэнка заявіў на сустрэчы з губернатарам Ленінградскай вобласці Аляксандрам Драздзенкам, перадае карэспандэнт БЕЛТА.

Назваўшы адносіны з Ленінградскай вобласцю ўзорна-паказальнымі, кіраўнік беларускай дзяржавы падкрэсліў: "Мы вельмі хацелі б зрабіць у Расіі (у супрацоўніцтве з Расіяй. - Заўвага БЕЛТА) перш за ўсё (не ў тым ліку, а перш за ўсё) стаўку на ваш рэгіён".

Аляксандр Лукашэнка выказаў упэўненасць у тым, што з улікам выдатных адносін паміж Беларуссю і Ленінградскай вобласцю, іх эфектыўнасць павінна быць вышэйшая.

"Мы з вамі ведаем, па якіх напрамках працаваць, каб атрымаць сур'ёзны вынік", - звярнуў увагу беларускі лідар. Ён таксама заўважыў, што Аляксандр Драздзенка даволі часта бывае ў нашай краіне і гэта сведчыць аб тым, што ён не лічыць яе чужой.

"За гэта вам удзячнасць вялікая", - сказаў кіраўнік дзяржавы, падкрэсліўшы і свае вельмі дружалюбныя адносіны да Ленінградскай вобласці і да яе людзей, гістарычна вельмі блізкіх беларусам.

"У нас і разуменне аб далейшых шляхах развіцця аднолькавае, і планаванне вынікаў - увогуле, погляды ў нас ідэнтычныя. Калі беларусы і ленінградцы пачынаюць нейкую справу, заўсёды яны імкнуцца давесці яе да лагічнага завяршэння і з найлепшымі вынікамі", - заявіў Прэзідэнт.

версія для друку

зрабіць стартавай

дабавіць у выбранае