Падзеі

3 ліпеня, Мінск /Кар. БЕЛТА/. Беларуская армія пастаянна мадэрнізуецца, мабільная, добра абучана і ўзброена. Аб гэтым заявіў Прэзідэнт Беларусі Аляксандр Лукашэнка, выступаючы 3 ліпеня на парадзе ў гонар Дня Незалежнасці Рэспублікі Беларусь, перадае карэспандэнт БЕЛТА.

Важкі ўклад у павышэнне боегатоўнасці Беларусі ўносіць айчынны абаронна-прамысловы комплекс. "У краіне паспяхова развіваецца ўласнае ракетабудаванне. Можна назваць больш за сотню ўзораў беларускіх вырабаў ваеннага прызначэння, якія ўяўляюць сабой прынцыпова новую, інавацыйную прадукцыю", - адзначыў Аляксандр Лукашэнка.

"Баявы арсенал, якім мы валодаем, сёння будзе паказаны ў час параднага маршу. Кожны зможа пераканацца: у нас ёсць усё неабходнае, каб даць адпор любому агрэсару", - падкрэсліў Прэзідэнт.

Палітыка Беларусі мае адкрыты характар. "Нам няма чаго ўтойваць. Разам з брацкай Расіяй мы абараняем межы ствараемай намі Саюзнай дзяржавы, - заявіў кіраўнік дзяржавы. - Нашай стратэгічнай мэтай з'яўляецца далейшае развіццё адносін з дзяржавамі - членамі Арганізацыі Дагавора аб калектыўнай бяспецы. Гэта нашы надзейныя партнёры і верныя сябры. Мы звязаны агульнай гісторыяй і разам сёння абараняем свет ад новых пагроз".