Падзеі
Лукашэнка: У момант вынасу сцяга Фомачкіным адчуваў адначасова расчараванне і радасць
17 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка сёння ў час сустрэчы з прадстаўнікамі расійскіх рэгіянальных сродкаў масавай інфармацыі заявіў, што ў момант вынасу і дэманстрацыі расійскага сцяга беларускім спартыўным чыноўнікам Андрэем Фомачкіным на Паралімпіядзе, якая прайшла ў Рыа-дэ-Жанэйра, ён адчуваў адначасова расчараванне і радасць, перадае карэспандэнт БЕЛТА.
"Пачуццё расчаравання, што не так зрабілі, як трэба было, і пачуццё радасці, што запасны сцяг схавалі пад кашуляй", - сказаў Прэзідэнт.
Кіраўнік дзяржавы адзначыў, што вынас сцяга быў "дэманстрацыяй нашага адзінства". "Мы гэтым хацелі паказаць, што абсалютна салідарныя з расіянамі ў плане незаконнага і няправільнага націску з боку пэўных сіл на Расійскую Федэрацыю", - прадоўжыў Аляксандр Лукашэнка.
У Беларусі, дадаў Прэзідэнт, бачылі несправядлівасць у адносінах да паралімпійскай зборнай Расіі і не маглі спакойна паставіцца да гэтай сітуацыі. "Мы зрабілі, як і павінен быў у гэтай сітуацыі зрабіць любы блізкі чалавек, калі крыўдзяць яго брата", - падкрэсліў кіраўнік дзяржавы.
версія для друку
зрабіць стартавай
дабавіць у выбранае