Падзеі

Лукашэнка: у Беларусі шчыра даражаць трывалымі партнёрскімі сувязямі з Казахстанам

16 снежня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Казахстана Касым-Жамарта Такаева з дзяржаўным святам - Днём незалежнасці. Аб гэтым БЕЛТА паведамілі ў прэс-службе беларускага лідара.

"За гады суверэннага развіцця ваша краіна ажыццявіла глыбокія пераўтварэнні ў грамадска-палітычным жыцці, дабілася значнага прагрэсу ў сацыяльна-эканамічнай і гуманітарнай сферах, заслужыла прызнанне міжнароднай супольнасці", - гаворыцца ў віншаванні.

Кіраўнік дзяржавы падкрэсліў: "У Беларусі шчыра даражаць трывалымі партнёрскімі сувязямі з Казахстанам, якія з кожным годам мацнеюць і ўдасканальваюцца, напаўняючыся новым зместам".

Аляксандр Лукашэнка выказаў перакананасць, што ўзаемная падтрымка, давер і адкрытасць, уласцівыя адносінам паміж нашымі дзяржавамі, дадуць магчымасць разам процістаяць беспрэцэдэнтным выклікам сучаснасці і паспяхова пашыраць шматпланавае і эфектыўнае супрацоўніцтва на карысць беларускага і казахстанскага народаў.

версія для друку

зрабіць стартавай

дабавіць у выбранае