Падзеі

Лукашэнка: у Беларусі не стаіць выбар паміж выключна кантрактнай або тэрміновай службай у арміі

26 лютага, Мінск /Уладзімір Мацвееў - БЕЛТА/. У Беларусі не стаіць выбар паміж камплектаваннем арміі выключна на кантрактнай аснове або прызывам на тэрміновую службу. Аб гэтым кіраўнік дзяржавы Аляксандр Лукашэнка заявіў сёння на нарадзе з пастаяннымі членамі Савета бяспекі, перадае карэспандэнт БЕЛТА.

"Мы не раздувалі гэту праблему ніколі, у гэтым не было ніякай неабходнасці. Мы не рабілі гэта так, як рабілі былыя рэспублікі Савецкага Саюза, у тым ліку Расія. Пытанне не стаіць так: кантрактная армія або армія, заснаваная на прызыве на тэрміновую службу. Мы спакойна, без напружання, замянілі ўсіх ваеннаслужачых тэрміновай службы на кантрактнікаў там, дзе гэта патрэбна. Гэты працэс прадаўжаецца да цяперашняга часу. Я лічу, жыццё паказала, і яно яшчэ пакажа, дзе нам трэба выкарыстоўваць людзей пастаяннага складу - кантрактнікаў. А недзе павінны служыць ваеннаслужачыя тэрміновай службы", - заявіў беларускі лідар.

Аляксандр Лукашэнка яшчэ раз падкрэсліў сваё цвёрдае перакананне ў тым, што мужчына павінен служыць у арміі. "Гэту суровую школу палова з іх, напэўна, не прайшлі. Ну і матывацыя самага высокага ўзроўню - гэта тое, што ёсць такая прафесія Радзіму абараняць. Радзіму павінны абараняць усе тыя, хто жыве на гэтай зямлі. Не дай бог канфлікт - палова з мужыкоў не ведаюць, што такое зброя. Я ўжо не гавару аб тым, што яны не ўмеюць ёй скарыстацца. Таму хаця б мужыкі. Хоць армія даўно перастала быць чыста мужчынскай. Яна ўжо мае ярка выяўлены і жаночы характар", - адзначыў кіраўнік дзяржавы.

"Тым не менш мужык спакон вякоў, зыходзячы з нашай гісторыі, і не толькі нашай, павінен абараняць сваю Айчыну, сваю сям'ю і сваю жанчыну", - дадаў Аляксандр Лукашэнка.

версія для друку

зрабіць стартавай

дабавіць у выбранае