Падзеі

Лукашэнка: сучасныя ўмовы адкрываюць новыя гарызонты для паглыблення супрацоўніцтва Беларусі і Ірака

Фота з архiва

3 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка ад імя ўсіх грамадзян краіны і сябе асабіста павіншаваў Прэзідэнта Ірака Абдула Лаціфа Рашыда з Днём Незалежнасці. Аб гэтым БЕЛТА паведамілі ў прэс-службе беларускага лідара.

Кіраўнік дзяржавы адзначыў, што гэта значная для гісторыі Ірака дата - напамін пра мужнасць і адвагу, праяўленыя іракскім народам у барацьбе за сваю незалежнасць, сімвал надзеі і веры ў лепшую будучыню.

"Сучасныя ўмовы адкрываюць новыя гарызонты для паглыблення супрацоўніцтва паміж дзвюма краінамі. Беларусь і Ірак могуць стаць надзейнымі партнёрамі ў вырашэнні існуючых праблем, умацаванні стабільнасці і садзейнічанні міру ў нашых рэгіёнах", - падкрэсліў беларускі лідар.

Аляксандр Лукашэнка пажадаў Абдулу Лаціфу Рашыду выдатнага здароўя і плённай працы на адказнай дзяржаўнай пасадзе, а ўсім іракцам - мірнага неба, згоды і працвітання.

версія для друку

зрабіць стартавай

дабавіць у выбранае