Падзеі

29 кастрычніка, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка падкрэслівае, што ў грамадстве заўсёды высокія запатрабаванні на справядлівасць. Аб гэтым ён заявіў сёння на сустрэчы з актывам БРСМ - сучасным прадаўжальнікам традыцый УЛКСМ, перадае карэспандэнт БЕЛТА.

Кіраўнік дзяржавы раскрыў гэту тэму на прыкладзе нядаўніх сацыялагічных даследаванняў у Расіі, у час якіх людзі на першае месца паставілі пытанні справядлівасці. Гэта пытанне заўсёды ляжала ў аснове палітыкі, праводзімай у сучаснай Беларусі. "Людзі патрабуюць справядлівасці. Вось наша ідэалогія, якой мы павінны прытрымлівацца", - падкрэсліў беларускі лідар.

"Запатрабаванне на справядлівасць не толькі ў Расіі. У нас заўсёды было", - заўважыў Аляксандр Лукашэнка.

Гаворачы пра народ Беларусі, ён выказаў упэўненасць, што людзі ніколі не пацерпяць несправядлівасці. "Таму і палітыку мы праводзім больш мяккую, спакойную, нацэленую на справядлівасць. Але не ў будучым, а ў сучасным", - сказаў ён.