Падзеі

Лукашэнка разлічвае на захаванне партнёрскіх сувязей паміж Беларуссю і Іспаніяй

12 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Караля Іспаніі Філіпа VI з нацыянальным святам - Днём іспанскай нацыі. Аб гэтым БЕЛТА паведамілі ў прэс-службе кіраўніка дзяржавы.

"Запрашаю да канструктыўнага дыялогу і салідарнасці ў перыяд часовых складанасцей, выкліканых пандэміяй. Развіваючы гандаль, інвестыцыі, кантакты органаў мясцовага самакіравання, устаноў аховы здароўя нашых дзяржаў, мы хутчэй справімся з гэтай праблемай і не страцім каштоўныя капіляры сувязей паміж людзьмі", - гаворыцца ў віншаванні.

Кіраўнік беларускай дзяржавы адзначыў, што разлічвае на захаванне партнёрскіх адносін паміж Мінскам і Мадрыдам у разнастайных сферах узаемнага інтарэсу. Прэзідэнт таксама адрасаваў словы ўдзячнасці Каралю і шматлікім арганізацыям Іспаніі за гасціннасць, з якой у гэтай краіне штогод прымаюць на аздараўленне беларускіх дзяцей з рэгіёнаў, пацярпелых ад чарнобыльскай аварыі.

Аляксандр Лукашэнка пажадаў Філіпу VI добрага здароўя і поспехаў у адказнай дзяржаўнай дзейнасці, а іспанскаму народу - мірнага неба, з'яднанасці і грамадзянскай згоды.

версія для друку

зрабіць стартавай

дабавіць у выбранае