Падзеі

31 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Кыргызстана Сааранбая Жээнбекава з нацыянальным святам - Днём Незалежнасці, паведамілі ў прэс-службе беларускага лідара.

"За мінулыя дзесяцігоддзі, абапіраючыся на гістарычныя вузы дружбы, нашы краіны значна рушылі наперад па шляху развіцця ўсяго комплексу двухбаковых адносін, наладзілі эфектыўнае ўзаемадзеянне ў рамках інтэграцыйных структур", - гаворыцца ў паведамленні.

Аляксандр Лукашэнка ўпэўнены, што сумеснымі намаганнямі Беларусь і Кыргызстан прадоўжаць нарошчваць патэнцыял двухбаковага супрацоўніцтва, пашыраць палітычны, эканамічны і культурны дыялог у інтарэсах народаў абедзвюх краін.

Кіраўнік дзяржавы пажадаў лідару Кыргызстана моцнага здароўя, дабрабыту, поспехаў у адказнай дзяржаўнай дзейнасці, а кыргызскаму народу - шчасця і працвітання.