Падзеі

Лукашэнка расказаў аб кантактах са спецслужбамі Украіны

17 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка ў інтэрв'ю ўкраінскай журналістцы Дзіяне Панчанка расказаў аб кантактах беларускага боку са спецслужбамі Украіны і тэмах, якія закраналіся на гэтых перагаворах, паведамляе БЕЛТА.

"Што датычыцца - ідуць перагаворы, не ідуць... Вядома, ідуць. Мы сустракаліся з прадстаўнікамі вашых улад, напэўна, разоў пяць", - адзначыў Аляксандр Лукашэнка.

"Калі апошні раз?" - удакладніла Дзіяна Панчанка.

"Апошні раз - некалькі месяцаў таму. Пасля таго як ад імя ГУР (Галоўнае ўпраўленне разведкі Міністэрства абароны Украіны. - Заўвага БЕЛТА) ішлі гэтыя перагаворы. Тэмы - уцягнутасць у перспектыве Беларусі ў вайну, будзе Беларусь ваяваць, не будзе на баку Расіі з поўначы. І шмат іншых пытанняў", - адказаў Прэзідэнт.

Ён таксама заўважыў, што ўкраінскі бок апошнім часам хвалююць і пытанні патэнцыяльнага прымянення ядзернай зброі, размяшчэння ў Беларусі ПВК "Вагнер".

"Пытанні гэтыя збіраліся. Але мы мелі гэтыя кантакты, мы размаўлялі. Мы не супраць. І цяпер ёсць прапановы прадоўжыць гэты дыялог: "Давайце сустрэнемся ў Стамбуле або ў Эміратах". Я кажу: "Хлопцы, вы чаго, звар'яцелі? Мы ж мяжуем з вамі, калі ласка - прыязджайце ў Брэст, куды хочаце - у Гомель, Мазыр, у любое месца, у Мінск, і мы будзем размову з вамі арганізоўваць. Чаго вы нам прапануеце некуды ехаць, у Турцыю ці ў Эміраты? Добрыя краіны, мы не супраць. Але мы тут можам весці перагаворы", - падкрэсліў Аляксандр Лукашэнка.

"Далей Зяленскі заўважыў нейкую пагрозу тым, хто арганізоўваў гэтыя перагаворы (так званая палітычная канкурэнцыя), забараніў ім весці гэты дыялог. Ведаем, што па лініі спецыяльных органаў, спецслужбаў, у тым ліку і ваенных, з расіянамі вядуцца гэтыя перагаворы ва Украіне. І даводзяцца пазіцыі: Расіі - Украіны, Украіне - Расіі. Кантакты з намі і кантакты з імі, з Расіяй, ва ўкраінцаў ёсць. Ёсць аснова для гэтых перагавораў. Давайце будзем размаўляць. Але палітыкі вашы дагуляюцца да таго, што не Пуцін, не Расія - ваенныя Украіны звергнуць гэту палітычную эліту на чале з Зяленскім. Вось паглядзіце. Таму што ваенныя бачаць бесперспектыўнасць таго, што там адбываецца", - заявіў кіраўнік дзяржавы.

версія для друку

зрабіць стартавай

дабавіць у выбранае