Падзеі
Лукашэнка прыме ўдзел у саміце Шанхайскай арганізацыі супрацоўніцтва ў Ташкенце
9 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка плануе прыняць удзел у пасяджэнні Савета кіраўнікоў дзяржаў Шанхайскай арганізацыі супрацоўніцтва (ШАС) у Ташкенце 24 чэрвеня. Гэта будзе першы саміт гэтай міжнароднай арганізацыі, у якім Беларусь прыме ўдзел на вышэйшым узроўні ў новым статусе наглядальніка, расказаў у інтэрв'ю расійскаму інфармацыйнаму агенцтву "ТАСС" міністр замежных спраў Беларусі Уладзімір Макей, паведамляе БЕЛТА.
"Улічваючы сур'ёзную зацікаўленасць Беларусі ў актывізацыі з ШАС, а таксама высокі ўзровень прадстаўніцтва замежных дэлегацый на мерапрыемстве, нашу краіну будзе прадстаўляць Прэзідэнт Аляксандр Лукашэнка", - заявіў міністр.
Ён адзначыў, што на ўсіх апошніх самітах краіны - члены ШАС паслядоўна выступаюць за больш шырокае прыцягненне дзяржаў-наглядальніц да практычнага супрацоўніцтва ў арганізацыі. "Мы таксама ставім перад сабой задачу па ўдзеле ў рэгулярных кансультацыях і павышэнні практычнай аддачы ад нашага ўзаемадзеяння ў розных галінах. Што датычыцца двухбаковых сустрэч, хачу адзначыць, што ў нас дастаткова пляцовак і падстаў для кантактаў з нашымі партнёрамі па СНД. Таму мы перш за ўсё прапрацоўваем сустрэчы з нашымі важнымі азіяцкімі партнёрамі", - сказаў Уладзімір Макей.
версія для друку
зрабіць стартавай
дабавіць у выбранае