Падзеі

Лукашэнка прадоўжыў серыю двухбаковых сустрэч перагаворамі з Прэзідэнтам Ірана Эбрахімам Раісі

16 верасня, Самарканд /Кар. БЕЛТА/. Прэзідэнт Беларусі Аляксандр Лукашэнка ў Самаркандзе напярэдадні пасяджэння Савета кіраўнікоў дзяржаў - членаў ШАС правёў двухбаковую сустрэчу з Прэзідэнтам Ірана Эбрахімам Раісі, перадае карэспандэнт БЕЛТА.

"Трэба трымацца разам, каб не проста выжыць, а заняць сваё месца пад сонцам", - заявіў кіраўнік беларускай дзяржавы.

Ён адзначыў, што фармат сустрэчы на палях саміту не дазваляе вельмі паглыбіцца ў пытанні развіцця адносін паміж Беларуссю і Іранам. Але гэта магчымасць аб чым-небудзь папярэдне дамовіцца - сустрэчах, парадку дня, пагаварыць аб нейкіх сур'ёзных пытаннях. "Гэта вельмі важна. І ў гэтым ёсць магчымасць", - сказаў Прэзідэнт.

Аляксандр Лукашэнка абазначыў два вектары для міністэрстваў замежных спраў Беларусі і Ірана: інтэнсіфікаваць адносіны і правесці іх рэвізію.

Паводле яго слоў, у бакоў ужо склаліся нядрэнныя адносіны, але іх трэба інтэнсіфікаваць: "Вызначыць тыя напрамкі, па якіх мы будзем выбудоўваць адносіны ў перспектыве паміж Іранам і Беларуссю. А для гэтага нашы спецыялісты, міністры, міністэрствы замежных спраў павінны правесці рэвізію тых пытанняў, па якіх мы спрабавалі некалі дамовіцца, па якіх мы працуем. Адкінуць тое, што ўжо ўстарэла. І пакінуць пытанні перспектыўнага характару, па якіх мы будзем рухаць нашы адносіны".

У 2021 годзе тавараабарот Беларусі з Іранам склаў $33,3 млн (134,7 працэнта да ўзроўню 2020 года), экспарт - 14 млн (110,5 працэнта), імпарт - $19,3 млн (160,3 працэнта). У студзені-ліпені 2022 года тавараабарот вырас да $40,1 млн (219 працэнтаў да паказчыка аналагічнага перыяду 2021 года), экспарт- $28,3 млн (306,1 працэнта), імпарт - $11,8 млн (130,2 працэнта).

Напярэдадні беларускі лідар правёў шэраг двухбаковых сустрэч, у тым ліку са Старшынёй КНР Сі Цзіньпінам, Прэзідэнтам Узбекістана Шаўкатам Мірзіёевым, прэм'ер-міністрам Пакістана Шахбазам Шарыфам. Замежныя лідары заявілі аб падтрымцы беларускай заяўкі на ўступленне ў ШАС у якасці паўнапраўнага члена.

Адбылася таксама сустрэча Прэзідэнта з генеральным сакратаром ШАС Чжан Мінам.

версія для друку

зрабіць стартавай

дабавіць у выбранае