Падзеі

Лукашэнка ўпэўнены, што ў Мінска і Прагі ёсць магчымасці для аднаўлення канструктыўнага супрацоўніцтва

Фота з архiва

28 кастрычніка, Мінск /Кар. БЕЛТА/. Кіраўнік дзяржавы Аляксандр Лукашэнка ад імя беларускага народа і сябе асабіста павіншаваў народ Чэхіі з нацыянальным святам. Аб гэтым БЕЛТА паведамілі ў прэс-службе Прэзідэнта.

Беларускі лідар адзначыў, што 28 кастрычніка 1918 года ў гісторыі Чэхіі адбылася лёсавызначальная падзея, якая стала пачаткам пабудовы незалежнай чэхаславацкай дзяржавы.

"На працягу доўгага часу чэхаў і беларусаў аб'ядноўваюць каштоўны вопыт мірнага суіснавання, чалавечыя, гаспадарчыя і культурныя сувязі, - гаворыцца ў віншаванні. - Упэўнены ў наяўнасці сёння ў Мінска і Прагі магчымасцей для аднаўлення канструктыўнага супрацоўніцтва ў гандлёвай і гуманітарнай сферах. Беларускі бок да гэтага гатовы".

Аляксандр Лукашэнка пажадаў народу Чэхіі працвітання і ўпэўненасці ў будучыні. "Будзем рады вітаць вас у гасціннай Беларусі", - дадаў Прэзідэнт.

версія для друку

зрабіць стартавай

дабавіць у выбранае