Падзеі

Лукашэнка павіншаваў Прэзідэнта Зімбабвэ Эмерсана Мнангагву з днём нараджэння

Фота з архiва

15 верасня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Зімбабвэ Эмерсана Мнангагву з днём нараджэння, паведамілі БЕЛТА у прэс-службе беларускага лідара.

"У Вашай асобе выдатна спалучаюцца багаты палітычны вопыт, уменне слухаць сваіх землякоў, клапаціцца ў першую чаргу пра іх дабрабыт, забяспечыць ім права на дастойную будучыню, а таксама прымаць важныя рашэнні і несці за іх адказнасць, - гаворыцца ў віншаванні. - Такія рысы характару выхоўваюцца з цягам часу, каштуюць многіх сіл, патрабуюць велізарнага цярпення. Але менавіта гэтыя важныя якасці сёння спрыяюць развіццю краіны, якой Вы прысвяцілі ўсё жыццё і кар'еру".

Народ Зімбабвэ некалькі тыдняў таму чарговы раз гэта красамоўна пацвердзіў, перавыбраўшы Эмерсана Мнангагву на вышэйшую дзяржаўную пасаду, падкрэсліў беларускі лідар.

Прэзідэнт адзначыў, што высока цэніць дружалюбныя адносіны, якія ўстанавіліся паміж кіраўнікамі дзвюх дзяржаў. "Чакаю новай сустрэчы, каб прадоўжыць адкрыты і канструктыўны дыялог па ўсім спектры беларуска-зімбабвійскага ўзаемадзеяння. У нас шмат работы па рэалізацыі дамоўленасцей, дасягнутых у час майго візіту ў Харарэ ў пачатку 2023 года", - звярнуў увагу ён.

Аляксандр Лукашэнка пажадаў Эмерсану Мнангагву моцнага здароўя, верных прыхільнікаў і сяброў, а яго Радзіме - далейшага прагрэсу і працвітання.

версія для друку

зрабіць стартавай

дабавіць у выбранае