Падзеі

Лукашэнка павіншаваў Прэзідэнта Узбекістана з Днём Незалежнасці

Фота з архiва

1 верасня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Узбекістана Шаўката Мірзіёева з Днём Незалежнасці. Аб гэтым БЕЛТА паведамілі ў прэс-службе беларускага лідара.

"Гады суверэннага развіцця ўзбекскай дзяржавы адзначаны яркімі дасягненнямі, якія забяспечылі ўстойлівы эканамічны рост, маштабныя сацыяльныя пераўтварэнні і заслужанае прызнанне краіны на сусветнай арэне. Сёння Ташкент уносіць значны ўклад у сістэму глабальнай бяспекі і падтрыманне стабільнасці ў Цэнтральнай Азіі, выступаючы з канструктыўнымі ініцыятывамі", - гаворыцца ў віншаванні.

Кіраўнік дзяржавы выказаў перакананне, што заснаваныя на шматгадовай дружбе народаў беларуска-ўзбекскія адносіны прадоўжаць умацоўвацца як у двухбаковым фармаце, так і ў рамках міжнародных арганізацый і рэгіянальных аб'яднанняў.

Аляксандр Лукашэнка пажадаў Шаўкату Мірзіёеву моцнага здароўя, дабрабыту, увасаблення ў жыццё ўсіх планаў, а жыхарам Узбекістана - шчасця і працвітання.

версія для друку

зрабіць стартавай

дабавіць у выбранае