Падзеі

Лукашэнка павіншаваў Нікаласа Мадуру і венесуэльцаў з Днём Незалежнасці

Фота з архiва

5 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускіх грамадзян і сябе асабіста павіншаваў Прэзідэнта Венесуэлы Нікаласа Мадуру і народ гэтай краіны з нацыянальным святам - Днём Незалежнасці. Аб гэтым БЕЛТА паведамілі ў прэс-службе беларускага лідара.

"На чале з такімі лідарамі, як Уга Чавес і Вы, краіна дасягнула яркіх вынікаў у справе дзяржаўнага будаўніцтва, умацавання суверэнітэту, палітычнай і сацыяльнай мадэрнізацыі, а таксама ў павышэнні аўтарытэту на міжнароднай арэне", - гаворыцца ў віншаванні.

Кіраўнік дзяржавы выказаў упэўненасць, што венесуэльцы пацвердзяць давер да праводзімага палітычнага курсу на прэзідэнцкіх выбарах, якія павінны адбыцца 28 ліпеня.

"Высока цэнім Ваш асабісты ўклад у развіццё стратэгічнага партнёрства паміж Мінскам і Каракасам. Мяркую, што ваш візіт у Беларусь дасць магчымасць акрэсліць новыя гарызонты нашага двухбаковага супрацоўніцтва", - адзначыў Прэзідэнт.

Аляксандр Лукашэнка пажадаў Нікаласу Мадуру моцнага здароўя і поспехаў у дзяржаўнай дзейнасці, а жыхарам Венесуэлы - мірнага неба і дабрабыту.

версія для друку

зрабіць стартавай

дабавіць у выбранае