Падзеі

Лукашэнка павіншаваў калектыў РНПЦ анкалогіі і медыцынскай радыялогіі з 60-годдзем установы

3 верасня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў калектыў Рэспубліканскага навукова-практычнага цэнтра анкалогіі і медыцынскай радыялогіі імя М.М.Аляксандрава з 60-годдзем з дня заснавання арганізацыі. Аб гэтым БЕЛТА паведамілі ў прэс-службе беларускага лідара.

"Стварэнне Беларускага навукова-даследчага інстытута анкалогіі і медыцынскай радыялогіі стала эпахальнай падзеяй, а прафесіяналы, якія стаялі ля вытокаў гэтага важнага напрамку, назаўсёды ўпісалі свае імёны ў гісторыю айчыннай медыцыны", - гаворыцца ў віншаванні.

Аляксандр Лукашэнка адзначыў, што калектыву ўстановы ўдалося захаваць і прымножыць лепшыя традыцыі, выбудаваць эфектыўную сістэму аказання спецыялізаванай меддапамогі насельніцтву, сфарміраваць уласную навуковую школу, выратаваць дзясяткі тысяч чалавечых жыццяў, заслужыць прызнанне калег і давер пацыентаў не толькі з Беларусі, але і з краін блізкага і далёкага замежжа.

"Сёння РНПЦ імя М.М.Аляксандрава - гэта сучасная высокатэхналагічная арганізацыя аховы здароўя, якая адпавядае сусветным стандартам. Упэўнены, што кампетэнтнасць і мэтанакіраванасць супрацоўнікаў цэнтра дадуць магчымасць дасягнуць новых поспехаў у барацьбе з анкалагічнымі захворваннямі, а наступныя гады стануць для вас чарговай знамянальнай вяхой на шляху развіцця і рэалізацыі самых смелых праектаў у справе захавання здароўя нацыі", - падкрэсліў Прэзідэнт.

версія для друку

зрабіць стартавай

дабавіць у выбранае