Падзеі

Лукашэнка павіншаваў калектыў Еўразійскага нацыянальнага ўніверсітэта імя Л.М.Гумілёва з 25-годдзем ВНУ

24 мая, Мінск /Кар. БЕЛТА/. Прэзідэнт Беларусі Аляксандр Лукашэнка 23 мая павіншаваў калектыў Еўразійскага нацыянальнага ўніверсітэта імя Л.М.Гумілёва з 25-годдзем ВНУ. Аб гэтым БЕЛТА паведамілі ў прэс-службе беларускага лідара.

"Беларуска-казахстанскае ўзаемадзеянне ў галіне адукацыі актыўна развіваецца і стварае трывалы фундамент для далейшага паглыблення адносін паміж нашымі краінамі. Важнейшы ўклад у пашырэнне двухбаковых адукацыйных кантактаў уносіць Еўразійскі нацыянальны ўніверсітэт імя Л.М.Гумілёва. Ваша ВНУ паспяхова наладжвае прамыя сувязі ў акадэмічных і навуковых колах, выступае ў ролі каардынатара дзейнасці навукова-адукацыйнага кансорцыума вышэйшых навучальных устаноў і навукова-даследчых інстытутаў дзвюх дзяржаў", - гаворыцца ў віншаванні.

Кіраўнік дзяржавы адзначыў, што дзейнасць створанага на базе ўніверсітэта Казахстанска-Беларускага цэнтра навукова-тэхнічнага супрацоўніцтва і Цэнтра мовы і культуры "Беларусь", што ўваходзіць у яго структуру, служыць яркім прыкладам шматграннага і плённага партнёрства паміж прадстаўнікамі сферы навукі, адукацыі і культуры Беларусі і Казахстана.

Калектыву ВНУ Аляксандр Лукашэнка пажадаў добрага здароўя, шчасця, дабрабыту і ўдачы ў рэалізацыі намечаных мэт і новых ініцыятыў.

версія для друку

зрабіць стартавай

дабавіць у выбранае