Падзеі

24 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка 24 чэрвеня ад імя беларускага народа і сябе асабіста павіншаваў Рэджэпа Таіпа Эрдагана з перавыбраннем на пасаду Прэзідэнта Турцыі. Аб гэтым БЕЛТА паведамілі ў прэс-службе беларускага лідара.

"Вынікі выбарчай кампаніі прадэманстравалі высокую ацэнку суайчыннікам Вашай плённай працы, нацэленай на далейшае ўмацаванне краіны і забеспячэнне яе ўстойлівага сацыяльна-эканамічнага развіцця. Упэўнены, што пад Вашым кіраўніцтвам Турцыя прадоўжыць свой паступальны рух па шляху прагрэсу і працвітання", - гаворыцца ў віншаванні.

Кіраўнік дзяржавы адзначыў, што паміж Беларуссю і Турцыяй склаліся асаблівыя, сапраўды брацкія адносіны. "Перакананы, што стратэгічнае двухбаковае супрацоўніцтва, якое дынамічна пашыраецца, мае велізарны патэнцыял. Агульнымі намаганнямі мы зможам дасягнуць новых вяршынь у палітычнай, гандлёва-эканамічнай і іншых сферах узаемадзеяння", - падкрэсліў беларускі лідар.

Аляксандр Лукашэнка пажадаў Рэджэпу Таіпу Эрдагану моцнага здароўя, шчасця, поспехаў і ажыццяўлення ўсіх планаў.