Падзеі

Лукашэнка павіншаваў Дуду з перавыбраннем Прэзідэнтам Польшчы

Прэзідэнт Польшчы Анджэй Дуда (у цэнтры). Фота EPA-EFE

14 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Анджэя Дуду з выбраннем на чарговы тэрмін на пасаду Прэзідэнта Рэспублікі Польшча. Аб гэтым БЕЛТА паведамілі ў прэс-службе беларускага лідара.

"Выбар дзясяткаў мільёнаў палякаў, які забяспечыў пераможны вынік галасавання, пераканаўча сведчыць аб падтрымцы народам курсу на ўмацаванне польскай дзяржавы, павышэнне дабрабыту і бяспекі яе грамадзян", - гаворыцца ў віншаванні.

Кіраўнік дзяржавы адзначыў, што разлічвае на далейшае ўмацаванне заснаваных на даверы і павазе добрасуседскіх адносін і канструктыўнага супрацоўніцтва паміж Мінскам і Варшавай ва ўсіх галінах узаемнага інтарэсу.

Аляксандр Лукашэнка пажадаў Анджэю Дуду плённай працы на вышэйшай дзяржаўнай пасадзе, а жыхарам Польшчы - міру, грамадзянскай згоды і хуткага пераадолення часовых цяжкасцей.

версія для друку

зрабіць стартавай

дабавіць у выбранае