Падзеі
Лукашэнка павіншаваў Дорыс Лойтхард з 25-й гадавінай дыпламатычных адносін паміж Беларуссю і Швейцарыяй
10 лютага, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Федэральнага Прэзідэнта Швейцарскай Канфедэрацыі Дорыс Лойтхард з 25-й гадавінай устанаўлення дыпламатычных адносін паміж дзвюма дзяржавамі. Аб гэтым БЕЛТА паведамілі ў прэс-службе беларускага лідара.
"З задавальненнем адзначаю наяўнасць цесных беларуска-швейцарскіх сувязей, заснаваных на шматгадовым вопыце ўзаемадзеяння, агульнай зацікаўленасці, прынцыпах павагі, раўнапраўя і адказнасці", - гаворыцца ў віншаванні.
Кіраўнік дзяржавы выказаў упэўненасць, што паслядоўная рэалізацыя значнага патэнцыялу двухбаковага супрацоўніцтва будзе і ў далейшым садзейнічаць дынамічнаму развіццю дружалюбных адносін паміж краінамі ў інтарэсах іх народаў дзеля ўмацавання міру і стабільнасці ў Еўрапейскім рэгіёне.
версія для друку
зрабіць стартавай
дабавіць у выбранае