Падзеі

10 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка пацвердзіў імкненне да далейшага развіцця поўнамаштабнага дыялогу з Эквадорам па пытаннях супрацоўніцтва ў сферах знешняга гандлю, навукі, культуры, адукацыі, а таксама пашырэння базы двухбаковых пагадненняў. Аб гэтым гаворыцца ў віншаванні кіраўніка беларускай дзяржавы ў адрас Прэзідэнта Эквадора Леніна Вальтэра Марэна Гарсеса з нагоды нацыянальнага свята - Дня абвяшчэння незалежнасці, паведамілі БЕЛТА ў прэс-службе беларускага лідара.

"У Беларусі з глыбокай павагай і салідарнасцю ставяцца да намаганняў вашай краіны па стварэнні сацыяльна арыентаванай дзяржавы, павышэнні дабрабыту эквадорскага народа, падтрымцы найбольш слабаабароненых слаёў насельніцтва", - гаворыцца ў віншаванні.