Падзеі

Лукашэнка пацвердзіў гатоўнасць Беларусі да ўсебаковага пашырэння сувязей з Катарам

18 снежня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Эміра Дзяржавы Катар шэйха Таміма бен Хамада аль-Тані, яго намесніка шэйха Абдалу бен Хамада аль-Тані і жыхароў гэтай краіны з Нацыянальным днём. Аб гэтым БЕЛТА паведамілі ў прэс-службе беларускага лідара.

"Узаемная падтрымка і салідарнасць у адносінах паміж нашымі краінамі з'яўляюцца надзейнай асновай для доўгатэрміновага станоўчага супрацоўніцтва, - гаворыцца ў віншаванні Эміру Катара. - Пацвярджаю гатоўнасць да ўсебаковага пашырэння беларуска-катарскіх сувязей у мэтах больш поўнай рэалізацыі патэнцыялу ўзаемадзеяння".

Кіраўнік дзяржавы таксама адзначыў, што ў Беларусі высока ацанілі атрыманы ад катарскага боку гуманітарны груз для барацьбы з каранавірусам.

Аляксандр Лукашэнка пажадаў шэйху Таміму бен Хамаду аль-Тані моцнага здароўя, а дружалюбнаму катарскаму народу - стабільнасці і працвітання.

версія для друку

зрабіць стартавай

дабавіць у выбранае