Падзеі

28 красавіка, Мінск /Таццяна Паляжай - БЕЛТА/. Прэзідэнт Беларусі Аляксандр Лукашэнка патрабуе павышэння адказнасці кіруючых кадраў усіх узроўняў. Такую задачу ён паставіў сёння на нарадзе па пытаннях развіцця Мінска, паведаміў журналістам памочнік Прэзідэнта - галоўны інспектар па горадзе Мінску Аляксандр Якабсон, перадае карэспандэнт БЕЛТА.

"Кіраўнік дзяржавы добра ведае і бачыць патэнцыял Мінска і аб'ектыўна патрабуе павышэння прадукцыйнай работы на ўсіх узроўнях кадравых ступеней. І калі кіраўнік прадпрыемства сёння не спраўляецца са сваімі абавязкамі, то гэта павінна стаць прадметам разгляду адпаведных выканаўчых органаў улады, таму што недапушчальна, каб не выконваліся прагнозныя паказчыкі, недапушчальны непарадак і безадказнасць, якія, на жаль, у працоўных калектывах, на вытворчасцях часам бываюць. Гэта пытанні, пачынаючы ад недагледжанасці тэрыторыі і завяршаючы невыкананнем прагнозных паказчыкаў, несвоечасовай выплаты заработнай платы, несвоечасовага разліку за энергарэсурсы", - сказаў Аляксандр Якабсон.

"Таму ўзняць адказнасць кадраў усіх узроўняў, кіруючых кадраў - гэта патрабаванне кіраўніка дзяржавы, і мы яго павінны бясспрэчна рэалізоўваць усякімі магчымымі рычагамі ўплыву як з боку ўлады, так і знізу. Мы павінны бываць у працоўных калектывах і бачыць, што там адбываецца, людзі падкажуць, якія слабыя месцы ў гэтых працоўных калектывах ёсць", - адзначыў Аляксандр Якабсон. "Таму кадравая палітыка павінна быць узмоцнена з тым, каб у гэты няпросты час мы змаглі з нашым кадравым патэнцыялам вырашыць усе існуючыя праблемы, каб працоўныя калектывы гэта напружанне прыўнеслі ў сваю работу", - дадаў ён.