Падзеі

Лукашэнка падпісаў закон аб ратыфікацыі пагаднення з Расіяй аб узаемным прызнанні віз

10 снежня, Мінск /Кар. БЕЛТА/. Прэзідэнт Беларусі Аляксандр Лукашэнка падпісаў закон аб ратыфікацыі Пагаднення паміж урадамі Беларусі і Расіі аб узаемным прызнанні віз і па іншых пытаннях, звязаных з уездам замежных грамадзян і асоб без грамадзянства на тэрыторыю Саюзнай дзяржавы. Аб гэтым паведамляе БЕЛТА са спасылкай на Нацыянальны прававы інтэрнэт-партал.

Адпаведны закон прыняты Палатай прадстаўнікоў 28 кастрычніка 2020 года, Саветам Рэспублікі - 20 лістапада гэтага ж года.

Пагадненне падпісана 19 чэрвеня 2020 года ў Мінску і накіравана на рэгуляванне міграцыйных працэсаў на тэрыторыі дзяржаў Дагавора аб стварэнні Саюзнай дзяржавы. Пагадненне вызначае, што замежныя грамадзяне і асобы без грамадзянства атрымаюць права ўязджаць, выязджаць, знаходзіцца, перамяшчацца транзітам па тэрыторыі Беларусі і Расіі на падставе візы адной з дзяржаў і на падставе дакументаў, якія засведчваюць асобу. У выніку беларуская візавая сістэма атрымлівае права на выдачу віз, якія дзейнічаюць на тэрыторыі Расіі.

Пагадненне павінна ўступіць у сілу праз 30 дзён пасля ратыфікацыі дзвюма дзяржавамі. Пры гэтым Беларусь ратыфікуе пагадненне першай.

Пры гэтым дакумент не закранае катэгорыю іншаземцаў, якія прыбываюць на тэрыторыю Беларусі па бязвізавым парадку ўезду.

версія для друку

зрабіць стартавай

дабавіць у выбранае