Падзеі

7 снежня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка назначыў новых паслоў у Аргенціне і Паўднёва-Афрыканскай Рэспубліцы, перадае карэспандэнт БЕЛТА.

Надзвычайным і Паўнамоцным Паслом у Аргенціне і па сумяшчальніцтве ва Уругваі назначаны Уладзімір Астапенка.

Аляксандр Сідарук назначаны на пасаду Надзвычайнага і Паўнамоцнага Пасла ў ПАР і па сумяшчальніцтве ў Анголе, Зімбабвэ, Мазамбіку і Намібіі.

Да гэтага часу яны займалі кіруючыя пасады ў Міністэрстве замежных спраў Беларусі.

Прэзідэнт таксама даў згоду на назначэнне Леаніда Бацяноўскага генеральным консулам Беларусі ў Гуанчжоу (КНР).