Падзеі

Лукашэнка накіраваў віншаванне Зяленскаму з Днём незалежнасці Украіны

Фота з архiва

24 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў віншаванне Прэзідэнту Украіны Уладзіміру Зяленскаму з нагоды Дня незалежнасці Украіны. Аб гэтым БЕЛТА паведамілі ў прэс-службе беларускага лідара.

"Даўнія традыцыі дружбы і добрасуседства служаць асновай эфектыўнага ўзаемадзеяння Беларусі і Украіны ў няпростых умовах сучаснага свету", - гаворыцца ў віншаванні.

Аляксандр Лукашэнка пацвердзіў зацікаўленасць у пашырэнні ўсебаковага беларуска-ўкраінскага супрацоўніцтва на прынцыпах роўнасці і павагі, развіцці канструктыўнага партнёрства як на нацыянальным, так і на рэгіянальным узроўні.

Прэзідэнт Беларусі пажадаў свайму ўкраінскаму калегу моцнага здароўя і поспехаў у адказнай дзяржаўнай дзейнасці, а народу Украіны - міру, стабільнасці і дабрабыту.

версія для друку

зрабіць стартавай

дабавіць у выбранае