Падзеі

22 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў прывітанне ўдзельнікам другой Рэгіянальнай нарады аб пашырэнні доступу да якасных і недарагіх лекавых прэпаратаў і дыягнастычных сродкаў у краінах рэгіёна Усходняй Еўропы і Цэнтральнай Азіі. Аб гэтым БЕЛТА паведамілі ў прэс-службе беларускага лідара.

"Здароўе любой нацыі - гэта залог яе ўстойлівага развіцця і працвітання, таму пабудова агульнадаступнай і эфектыўнай сістэмы аховы здароўя адносіцца да ліку важнейшых прыярытэтаў беларускай дзяржаўнай палітыкі", - гаворыцца ў прывітанні.

Кіраўнік дзяржавы адзначыў, што яе неад'емнай часткай з'яўляюцца меры, накіраваныя на прадухіленне распаўсюджвання небяспечных вірусных захворванняў. "За апошнія дзесяць гадоў ва ўзаемадзеянні з міжнароднымі арганізацыямі нам удалося дабіцца паляпшэння эпідэмічнай сітуацыі ў Беларусі, у тым ліку па туберкулёзе і ВІЧ", - канстатаваў Прэзідэнт.

Умацоўваючы міжнароднае супрацоўніцтва, распрацоўваючы сумесныя скаардынаваныя стратэгіі, дзелячыся лепшымі практыкамі, Беларусь паспяхова выконвае задачу па забеспячэнні доступу насельніцтва да недарагіх, эфектыўных і бяспечных лякарстваў, падкрэсліў Аляксандр Лукашэнка.