Падзеі

Лукашэнка: мы будзем больш актыўна ствараць кантрактную армію

Фота з архiва

1 жніўня, Камянецкі раён /Кар. БЕЛТА/. У Беларусі плануюць больш актыўна ствараць кантрактную армію. Аб гэтым Прэзідэнт Беларусі Аляксандр Лукашэнка заявіў на сустрэчы з жыхарамі аграгарадка Белавежскі ў Камянецкім раёне, перадае карэспандэнт БЕЛТА.

Аляксандр Лукашэнка адзначыў, што нейкія падраздзяленні ПВК "Вагнер" перайшлі ў расійскую рэгулярную армію, хтосьці працуе ў Афрыцы, пэўная частка застанецца ў Беларусі. "Гэта была мая ініцыятыва, і я не шкадую. Я хачу пакінуць гэтых хлопцаў ва Узброеных Сілах нашай краіны. І, адштурхваючыся ад іх, больш актыўна ствараць кантрактную армію, - заявіў Прэзідэнт. У нас жа тэрміновая служба, прызыў: адслужыў паўтара года - пайшоў. Сам быў такі. Зялёныя хлапчукі, 18 гадоў. А там умудроныя вопытам людзі, там у асноўным афіцэры, гэта іх прафесія - ваяваць ці абараняць краіну. Кажуць, гэта і танней. Таму мы прыглядаемся да гэтага вопыту, каб у будучым сябе абараніць. Толькі ў гэтым наша мэта".

"Таму вы не хвалюйцеся. Да вайны мы не імкнёмся, і думаю, што ўсё будзе нармальна. Калі праціўнік будзе бачыць, што мы адкажам і што яны панясуць незаменныя страты, не прымальныя для іх, яны ніколі не нападуць, - дадаў кіраўнік дзяржавы. - Таму ваша галоўная задача: у кожнага ёсць сваё месца (хтосьці бухгалтар, хтосьці эканаміст, кіраўнік, хтосьці механізатар, аператар машыннага даення) - кожны на сваім месцы зрабіце сваю працу".

версія для друку

зрабіць стартавай

дабавіць у выбранае