Падзеі

Лукашэнка: кантакты Беларусі і КНДР прадаўжаюць умацоўвацца, набліжаючы пераход да шматпалярнага парадку

Фота з архiва

9 верасня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Старшыню Дзяржаўных спраў КНДР Кім Чэн Ына з нацыянальным святам - Днём утварэння Карэйскай Народна-Дэмакратычнай Рэспублікі. Аб гэтым БЕЛТА паведамілі ў прэс-службе кіраўніка дзяржавы.

"Беларускі і паўночнакарэйскі народы заўсёды адстойвалі сваё права на суверэннае развіццё і самастойны выбар сваёй будучыні, - гаворыцца ў віншаванні. - Прыемна адзначыць, што з моманту ўстанаўлення дыпламатычных адносін супрацоўніцтва паміж нашымі краінамі развіваецца ў атмасферы дружбы, даверу і ўзаемапавагі".

Кіраўнік дзяржавы выказаў упэўненасць, што кантакты Мінска і Пхеньяна ў розных галінах прадоўжаць умацоўвацца, уносячы важкі ўклад у пабудову больш справядлівага і бесканфліктнага свету, набліжаючы пераход міжнароднай сістэмы да шматпалярнага парадку.

Аляксандр Лукашэнка пажадаў Кім Чэн Ыну добрага здароўя і поспехаў на адказнай дзяржаўнай пасадзе, а народу КНДР - шчасця і дабрабыту.

версія для друку

зрабіць стартавай

дабавіць у выбранае