Падзеі

Лукашэнка: фальсіфікацыя гісторыі - рэальная пагроза стабільнасці грамадства

29 верасня, Мінск /Кар. БЕЛТА/. Фальсіфікацыя гісторыі з'яўляецца рэальнай пагрозай стабільнасці грамадства. Аб гэтым Прэзідэнт Беларусі Аляксандр Лукашэнка заявіў сёння ў сваім выступленні на пленарным пасяджэнні VII Форуму рэгіёнаў Беларусі і Расіі, перадае карэспандэнт БЕЛТА.

"Мы не можам спакойна назіраць за спробамі асобных краін перапісаць гісторыю, прыніжаючы подзвіг савецкага народа, ставячы пад сумненне вырашальны ўклад Савецкага Саюза ў Перамогу над фашысцкай Германіяй і яе саюзнікамі", - падкрэсліў беларускі лідар.

Ён падзякаваў расійскім калегам за праяўленую на пляцоўцы Міжпарламенцкага саюза ініцыятыву прызнаць Перамогу ў Другой сусветнай вайне Сусветнай спадчынай чалавецтва, а помнікі барацьбітам з нацызмам ва ўсіх краінах - Сусветным мемарыялам чалавецтва.

"Фальсіфікацыя гісторыі з'яўляецца рэальнай пагрозай стабільнасці грамадства, нясе ў сабе рызыкі нацыянальнага, сацыяльнага, канфесійнага расколаў. Таму выключна важна, што на форуме абмяркоўваюцца сумесныя меры па процідзеянні скажэнню праўды аб вайне", - сказаў Аляксандр Лукашэнка.

Ён лічыць неабходным разам актывізаваць работу па падрыхтоўцы праекта новай рэзалюцыі Генеральнай асамблеі ААН "Барацьба з гераізацыяй нацызму, неанацызмам і іншымі відамі практыкі, якія садзейнічаюць эскалацыі сучасных форм расізму, расавай дыскрымінацыі, ксенафобіі і звязанай з імі нецярпімасці".

"Але нашы намаганні будуць дарэмнымі, калі мы не перададзім моладзі эстафету памяці. Выкарыстоўваючы самыя сучасныя тэхналогіі, падрастаючаму пакаленню спрабуюць навязаць фальшывыя каштоўнасці: культ спажывання, індывідуалізм, сацыяльную безадказнасць. Гэта далёка ад традыцый і светапогляду нашых народаў, у аснове якіх - адзінства, з'яднанасць і гатоўнасць прыйсці на дапамогу адзін аднаму", - звярнуў увагу Аляксандр Лукашэнка.

Прэзідэнт з задавальненнем адзначыў, што гэта работа знаходзіцца пад самай пільнай увагай саюзных парламентарыяў - створаная пры Парламенцкім сходзе Саюза Беларусі і Расіі Маладзёжная палата актыўна ўключае маладых людзей у арбіту двухбаковага супрацоўніцтва. "Але гэтай дзейнасці неабходна дабавіць больш канкрэтыкі, напорыстасці, рэзультатыўнасці", - лічыць беларускі лідар.

версія для друку

зрабіць стартавай

дабавіць у выбранае